Antone Marielli : E fole di ziu Antonu

Eccu, sempre impegnatu per a lingua corsa, ch’ellu s’hè messu Antone Marielli à a scrittura d’un librettu magnificu per i zitelli.

Trenta fole per ogni sera, in ogni casa è ogni zitellu per ch’ella campi a lingua corsa, per ch’ella campi a fola com’ell’era narrata in i tempi, da l’anziani, à i zitelli accant’à u caminu.

Trenta fole meravigliose, da leghje à i zitelli, da leghje da per sè, da ritruvà l’usi è a lingua chì ci anu custruiti, per esse zitelli noi dinù… u tempu d’una lettura.

« Mi socu sempri prumissu ch’un ghjornu, invichjendu, divintendu un ziu anch’eiu, scrivaria un libru di foli » è pò l’hà fattu !

Ghjuvanliviu Casalta ch’ellu tene « com’è fiddolu » hà criatu da illustrà isse fole pitturi dinù cusì meravigliose è una cuprenda duve no truvemu Antone Marielli cù « baschette » nove !

Da cumprà subitu subitu ch’ell’hè da mette stu libru in ogni manu.

Stefanu Barbagelata

 

Soyez le premier à commenter

Laisser un commentaire

Votre adresse de messagerie ne sera pas publiée.


*