FIURA MOSSA : ASSOCIU DI DUPPIAME IN LINGUA CORSA

Eccu ch’ell’hè esciutu l’ultimu DVD adattatu in lingua corsa da l’Associu Fiura Mossa.
Una piazzola nant’à a spazzola

Fiura Mossa ghjè un neologisimu per « Dessin Animé ».

À prò di a lingua corsa, l’associu Fiura Mossa hè stata creata da Ghjuvan Liviu Casalta è Silviu Giannecchini di ghjugnu 2010. U scopu di l’associu hè di duppià in lingua corsa opere televisuale è sinematugrafiche, soprattuttu per i più giovani.

Fiura Mossa ghjè un travagliu tamantu dapoi à a so creazione :

L’associu t’hà realizatu u duppiame di 26 episodii di a seria « Yakari » chì sò passati nant’à Via Stella pò chì sò esciuti in dui DVD : « I Signori di e pianure » (2013) è « E sgrinfie di l’orsu » (2015) è dinù una traduzzione di libru di Yakari in figuretta : « Yakari è Acula Maiò » (2013). L’associu hà travagliatu dopu nant’à filmetti di grande qualità prudutti da a sucetà brittanica Magic Light Pictures. Sò esciuti « U Grufalu » è « U Grufalucciu » (2016) po l’ultimu  « Una Piazzola nant’à a Spazzola » (esciutu di veranu 2017).

A lingua hè viva, ci vole da falla campà… Ghjuvan Liviu Casalta è Silviu Giannecchini, elli po, l’anu capita.
Per u so travagliu cusì tamantu, per dà l’arnesi à i nostri zitelli d’amparà à a so lingua cun piacè, cumpremu, rigalemu è femu cumprà l’opere di Fiura Mossa !

Fiura Mossa s’impegna avà à l’adattazione di un filmu longu d’animazione U Cantu di u Mare. Anu da prupone diffusione in parechji sinemà di Corsica per i sculari.

Per pudè seguità l’attualità di l’associu, andate puru nantu à a so pagina Facebook o puru nant’à u so situ.

Stefanu Barbagelata.

Soyez le premier à commenter

Laisser un commentaire

Votre adresse de messagerie ne sera pas publiée.


*