GHJURNATA PER I PATRIOTTI IN BASTIA

Eccu ch’ellu urganizava oghje in Bastia, caffè u Terminus, l’Associu Sulidarità, una ghjurnata sottu à a bandera di l’aiutu è di a fratellanza per i prigiuneri pulitichi corsi.

Eranu parechji l’eletti di a magiurità territuriale à adduniscesi à st’andatura sulidaria.

I benevuli è e famiglie anu passatu torna una volta u ghjornu sanu à travaglià da fà di sta ghjurnata una riescita.

Era prisente dinù Petru Pà Gori cù u so camescopu di « Ricordi di Petru Pà » è i militanti naziunalisti anu lampatu unepochi di paghjelle è di canzone chì forse averanu francatu i muri alti di isse prigione duv’elli sò chjosi i nostri fratelli…

Per elli … Amnistia è Libertà !

Stefanu Barbagelata. 

1 Rétrolien / Ping

  1. GHJURNATA PER I PATRIOTTI IN BASTIA

Laisser un commentaire

Votre adresse de messagerie ne sera pas publiée.


*