VISITA MINISTERIALE À L’ASSEMBLEA DI CORSICA : A SPECULAZIONE IMMUBILIARE À L’ORDINE DI U GHJORNU

Serà in Corsica oghje a ministra ecologista di l’alloghju è di l’abitatu à long’andà. Principierà Emmanuelle Cosse à a so visita à l’Assemblea da discorre cù l’eletti nantu à a speculazione immubiliare è u fundiariu. D’un colpu di battellu si n’anderà in Purtichju da prisentà u SCOT (Schema di Cuerenza Territuriale) nanzu di cullassine in Bastia.

Stu dopu meziornu, in a capitale supranaccia, scuntrerà l’eletti da parlà di l’alloghji è girerà a vechja cità da vede l’avanzamentu di u PRGAD (Prugrama di Riqualifica da i Quartieri Anziani Degradati).

A speculazione immubiliare, rimessa à u centru di l’attualità da Corsica Libera cù l’esempii balaninu è capi cursinu serà dunque cuntrastata oghje à l’Assemblea… Da seguità.

Stefanu Barbagelata.

 

Soyez le premier à commenter

Laisser un commentaire

Votre adresse de messagerie ne sera pas publiée.


*