Ultimu addiu à Ghjuvan’ Maria Poli

Sò venuti di tutt’ a Corsica, malgratu a neve, per un altimu addiu à Ghjuvan’ Maria Poli. In presenza di u Presidente di l’Assemblea di Corsica, Jean Guy Talamoni u so amicu; di Gilles Simeoni, Presidente di l’Esecutivu di Corsica; di quasi tutti i Cunsiglieri naziunalisti di l’Assemblea e ben’ intesu di i militenti di l’Associu Sulidarità… tutti anu accumpagnatu à Ghjuvan’ Maria per u so ultimu viaghju, in paese soiu.

 

Oimè chì ghjornu maledettu ! Emu purtatu in tarra Ghjuvan Maria Poli ! Per l’ultima volta u populu s’hè adunitu intornu à ellu.. ma sta volta Ghjuvan Maria ùn hà micca pigliatu u micro… Ùn hè micca pussivule di parlà d’ellu à u passatu, di pinsà ch’ellu ùn sarà più trà di noi… Sò crepacori…

O Ghjuvan Maria, quantu ci manchi !

Aghju imparatu tantu à fiancu à tè durante più di 10 anni… aghju spartutu tantu cù tè…

Mi si pare di sente a to voce à Radio Paese quellu ghjornu in prigiò. Aviamu cumminciatu una greva di a fame è ci ai dumandatu, quasi urdinatu, incù un rispettu maiò, di piantà… dopu à u to discorsu, mi sò lampatu annant’à u nutella !!!
Ti rivecu dinù à a fine di u primu prucessu Erignac cantà à voce rivolta u Diu vi salvi Regina à fiancu à e nostre famiglie… È rivecu issi gendarmi di a guardia ripublicana francese chì si sò lampati contr’à me quandu aghju pisatu u pugnu per cantà incù voi !

Ai passatu a to vita à pinsà à l’altri è à aiutalli ! È sò sicuru chè, da induv’è tù sì, sì disturbatu di vede i nostri affani… Ti possu quasi imaginà à boccarisa dicendu chì tuttu và bè…
À l’imagine di e stantare è di i palatini di u to Taravu, sì statu per a Corsica una sintinella impetrata, sempre quì per vighjà annant’à tutti…
Aviamu digià persu u babbu di tutti i prigiuneri pulitichi incù a morte di u povaru Vincent, oghje emu persu u fratellu di tutti i prigiuneri… Ma dinù u fratellu di tutti quelli chì lottanu per i prigiuneri !
Amicu caru, avà tocca à noi à imparà à campà soli, senza tè, senza i to cunsiglii, senza u to sustegnu…
Scrivu issi disgraziatti fillari per tè, è vularia fallu à capu altu è à bocca risa, ma ùn aghju micca a forza è mi scappa u pientu…
O Ghjuvan Maria, ùn ci hè nimu per rimpiazzatti ! Incù a to partenza, emu persu talmente…
Riposa in santa pace amicu caru, à mezu à l’ulivi di u to terrenu, sarai sempre ind’è i nostri cori ! A to fede sarà a nostra forza.

Ghjuvan’ Filippu Antolini

 

Les amis bastiais de jean Marie poli se sont réunis ce mardi à 18h à l’église de l’Immaculee Conception, lieu choisi pour la symbolique qu’aimait tant Jean Marie, églises où a siégé le Parlement du Royaume Anglo-Corse. Des membres des confréries San Carlu et Patrimoniu ainsi que le groupe L’Altare ont rendu un hommage émouvant à notre ami. Le diacre Pierre Jean Franceschi, très proche de jean Marie, a trouvé les mots pour décrire sa merveilleuse personnalité. Les prisonniers politiques et leurs familles étaient au cœur de son homélie Les nombreuses personnes, réunies ce soir, ont vécu un vrai moment de recueillement avec jean Marie

L’amichi bastiacci di Ghjuvan’ Maria Poli.

 

Più ch’in dolu… simu tutti urfanelli.
Omu di fede
Omu sinceru
Omu di core.
Quant’elle sò e famiglie
Quant’elli sò i patriotti ch’è t’ai sustenutu
Aiutatu. Accumpagnati in u dulore da rende à a so tristezza è a so angoscia patibili

Ti ne sì andatu à l’ultimu riposu è noi, noi tutti chì stemu quì… simu tutti urfanelli.
Riposa in Pace O Ghjuvan’Marì

U Ribombu Internaziunale

Soyez le premier à commenter

Laisser un commentaire

Votre adresse de messagerie ne sera pas publiée.


*